المصيبة
مصيبتنه الصفت كاتل ومكتول
عمت عين الوكت بالضيم حجاني
خلاني الوكت ابني كفر وارهاب
وازرع عبوتي وابني اوثاني
شلون بينه وعراقنه الخربان
وانه الي أكل من لحمي خواني
باوع لجيرانك ما يحترم جار
الف عبر جندي وره الثاني
لا تضن بعد الجره من ايديك
تاكل بالبشر وتصير جيراني
يا جار الما وفيت الجار
ماريدك بعد چفك الاذاني
وصار الكره بيناتنه يحيط
ونكول هاذ سوري وذاك ايراني
چا يمته الشعب يفرق الخوان
گبل الشميسي يوكل العاني
بعد ما ينفع ندم باجر تعود
وانخلي الأخوه تنسيني احزاني
واعرف هلي بين الردي والزين
وارفع منتخي وبايدي قرأني
تركمان وعرب سنه شيعه اخوان
مسيحي وصابئي سومر وعلماني
عرفنه المخطط ونتفضنه وياه
ونشوف الينتصر هوه لو اني
وجذع النخل يذكر العبوات
مستهدف ولك جي هوه بنياني
وتمر بصراوي ما يرد خطار
وي لبن اربيل تتحد ميساني
وعلى جسر المسيب انه انعاك
بلجن حنينك ينتخي احساني
بعد ما اصبر وانته اخوي الزين
اذا چذاب صير انته بمكاني
لا دوله الصفت ولا حكومه نريد
لو رايد امس اگطع نسل عدواني
دايم يا وطن لو تنخاني وياك
اشلائي الك اهديها قرباني
عاين عالوطن شوفه شيعاني
عالمگبره حسين وعمر شيعاني
اخوي الصدك سني وشيعي اني
لان گلبي سهم ضد الطائفيه
بقلمي
الشاعر مهند الهاشمي
مصيبتنه الصفت كاتل ومكتول
عمت عين الوكت بالضيم حجاني
خلاني الوكت ابني كفر وارهاب
وازرع عبوتي وابني اوثاني
شلون بينه وعراقنه الخربان
وانه الي أكل من لحمي خواني
باوع لجيرانك ما يحترم جار
الف عبر جندي وره الثاني
لا تضن بعد الجره من ايديك
تاكل بالبشر وتصير جيراني
يا جار الما وفيت الجار
ماريدك بعد چفك الاذاني
وصار الكره بيناتنه يحيط
ونكول هاذ سوري وذاك ايراني
چا يمته الشعب يفرق الخوان
گبل الشميسي يوكل العاني
بعد ما ينفع ندم باجر تعود
وانخلي الأخوه تنسيني احزاني
واعرف هلي بين الردي والزين
وارفع منتخي وبايدي قرأني
تركمان وعرب سنه شيعه اخوان
مسيحي وصابئي سومر وعلماني
عرفنه المخطط ونتفضنه وياه
ونشوف الينتصر هوه لو اني
وجذع النخل يذكر العبوات
مستهدف ولك جي هوه بنياني
وتمر بصراوي ما يرد خطار
وي لبن اربيل تتحد ميساني
وعلى جسر المسيب انه انعاك
بلجن حنينك ينتخي احساني
بعد ما اصبر وانته اخوي الزين
اذا چذاب صير انته بمكاني
لا دوله الصفت ولا حكومه نريد
لو رايد امس اگطع نسل عدواني
دايم يا وطن لو تنخاني وياك
اشلائي الك اهديها قرباني
عاين عالوطن شوفه شيعاني
عالمگبره حسين وعمر شيعاني
اخوي الصدك سني وشيعي اني
لان گلبي سهم ضد الطائفيه
بقلمي
الشاعر مهند الهاشمي