. . حــوارٌ شـديد أشبه بالمشـاجرة بين (الجنَّة و العمة العجوز). .

. . حــوارٌ شـديد أشبه بالمشـاجرة بين (الجنَّة و العمة العجوز). .

العجوز تگول : چنتنه خبيث وما تريد تگوم
تچملهن وساخة منْ تِغسل هدوم
چفالك ييمه وعِرسك الميشوم
بس تكل چثير و صاحبة فَنّه

الجـــّنة : أنا صاحبة فّنه و خطبتوني
لا ننسي دنيه ولا نسب دوني
سبعة أيام من عرسي وكرهتوني
عيارات والميت تطلعنّه

العجوز : إحنه موش عيارات
إحنه ألعليچن تاج
إحنه لنشبع الجوعان
ونِگضي حاجة المحتاج

الجنّــة : لا جار ألكرهنا ولا حجينا إزعاج
گالو عنچ الجيران
چلبة وعقل منجنهَ

العجوز : عَلَي ْ غِلطت ييمه وما تحاسبهه ((تخاطب إبنها زوج الجنّة))
كِضْ عِصّاك وإشلع نص من گِصايبهه
لا تكرم عجوز و لا لشايبهه
كُونْ انه بمكانك زرهه أكسرنَّه

الجّنة : يمفلشه الرَجِّلْ عِلِيْ حَزَّمتيه
إذا ينكسر زري الغرض بيش أكضيه
سبع چَويات گلبي بنار جويتنه
يحصل يُوم ولسانج لكصنَّه

العجوز : توُاعدني الخبيثة تگول أگص لسان
بس تغفل ييمه تواعد الصبيان
وعلينه تگوم أشو بيهه تنعش شيطان
واليحچي وياهه بطابوگه ترنِّه

الجّنة : أشوكت طگيتهه أُمك هاي عَـياره
والياخذ حچيهه تِشتعل ناره
تِنبح دوم بيهه بينت شاره
وكُل مصباح إلهه بالطرف رنَّه

العجوز : أصيحن بالطرف شنهو ألطلع مني
خذيني ليچ هذا العار كتلني
عضَّه تلومني وعضَّه ينكسر سني
وراح رباي بيه الجنت أكمطنَّهه